Shaykh Zulfiqar Ahmad Naqshbandi (db) is a Persian group. It is a CLOSED group. There are 5,925 participants in that group. So people rank it like a Large group. You can find this group by searching 360304404000659 on Google, Bing or Yahoo. We last updated on 2015-02-28 17:08:23.
حضرت مولانا پیر ذوالفقار احمد نقشبندی مجددی دامت برکاتہم کا شمار دور حاضر کے تصوف و سلوک کے صف اول کے مشائخ میں ہوتا ہے. آپ کو حضرت مرشد عالم پیر غلام حبیب رح سے نقشبندی مجددی سلسلہ میں اجازت حاصل ہے. حافظ قرآن ہونے کے ساتھ ساتھ حضرت شیخ ذوالفقار احمد نقشبندی مجددی دامت برکاتہم نے دینی علوم بھی حاصل کئے. یونیورسٹی سے انجنیئرنگ کی تعلیم مکمل کرنے کے بعد حضرت صاحب پاکستان کے ایک مشہور صنعتی ادارے میں انجنیئر کے عہدے پر فائز ہوئے اور وقت کے ساتھ ساتھ ترقی کی منازل طے کرتے ہوئے جنرل مینیجر بنے. چالیس سال کی عمر میں حضرت صاحب نے اسی پوزیشن سے استعفیٰ دے کر اپنی زندگی کو دین کی تجدید اور اشاعت کی خاطر وقف کر دیا. دنیا کے مختلف ممالک کا سفر کرتے ہوئے حضرت صاحب لاکھوں لوگوں کی زندگیاں تبدیل ہونے کا سبب بن رہے ہیں. حضرت صاحب کی شدید محبت الہی، کامل اتباع سنت اور شریعت پر استقامت کی ایک دلیل یہ بھی ہے کہ ہزاروں علماء کرام اور طلبہ دین آپ کے حلقہء ارادت میں شامل ہیں. تصوف کے موضوع پر آپ کی کئی تصانیف چھپ چکی ہیں جن کا مختلف زبانوں میں ترجمہ بھی کیا جا چکا ہے. آپ کی بیشتر تصانیف حضرت کے ادارہ "مکتبتہ الفقیر" سے چھپتی ہیں. حضرت صاحب کے کئی بیانات کی آڈیو ریکارڈنگ www.tasawwuf.org پر موجود ہیں.