Arabic is the main language of El Mashrou3 Community in Qena - مجتمع المشروع في قنا facebook group. It is a CLOSED group. El Mashrou3 Community in Qena - مجتمع المشروع في قنا has 584 members. So it is a Small group. You can find this group by searching 1423057321263592 on Google, Bing or Yahoo. We last updated on 2015-02-25 15:35:56.
إيه هو برنامج “المشروع”؟
“المشروع” هو أول برنامج تلفزيون واقع في مصر عن رواد الأعمال. هيتذاع على قناة النهار في ديسمبر 2013.
بعد مرحلة طويلة من اختيار المتسابقين من كل حتة في مصر، اخترنا 14 رائد أعمال مصري شاب هيتم اختيار قدراتهم ومهاراتهم وخبراتهم كرواد أعمال، كل واحد فيهم هيكون قدامه الفرصة إنه يفوز بعدد كبير من الجوايز، من ضمنها دعم حقيقي لمشروعه وجايزة مالية كبيرة للفائز في كل موسم.
مين يقدر يقدّم في المسابقة؟
المسابقة مفتوحة لكل مصري سنه مابين 18 لـ 35 سنة بتتوفر فيه المواصفات التالية:
* لسه بيأسس مشروعه، سواء مشروع تجاري أو اجتماعي.
* عنده فعلا مشروع صغير أو في بداياته وعايز يكبره ويطوّره.
* فكرة لمشروع لسه مبدأش فيه، بس خد على الأقل خطوات ملموسة تجاه تحقيقه.
* عنده بيزنس لسه غير مسجّل رسمياً وعايز يكبره ويطوره.
ولو مشروعك بتتوفّر فيه المواصفات التالية، فده هيكون ميزة إضافية:
* بيوفّر فرص عمل جديدة.
*ليه تأثير اجتماعي أو بيئي.
*مربح مادياً.
مين اللي ورا برنامج “المشروع”؟
“المشروع” هو برنامج مشترك بين قناة النهار، هاما برودكشن، باميان ميديا ومؤسسات دعم وتطوير ريادة الأعمال زي أشوكا، إنجاز، ونهضة المحروسة وآخرين، شوف قايمة شركاءنا هنا: http://www.elmashrou3.tv/partners
الراعي الرسمي للبرنامج
إزاي أقدّم في “المشروع”؟
التقديم للموسم التاني هيبتدي مع بداية 2014!
تابع المشروع على السوشيال ميديا والموقع هنا:
www.ElMashrou3.tv
عشان توصلك أخر أخبارنا!
إيه هي جوايز “المشروع”؟
كل حلقة بيكون فيها جايزة صغيرة للفائز في الحلقة، مفيش حد بيخرج من “المشروع” إيده فاضية!
الجوايز بتتضمن: فلوس، موبايلات، تصميم مجاني لموقع، استشارات وتدريب، إرشاد شخصي..إلخ
الفايز الأخير بالبرنامج هيكسب جايزة مالية كبيرة يقدر يموّل بيها مشروعه.
لو عندك أي استفسار ابعت لنا على:
info@elmashrou3.tv