Swahili is the main language of IKWELE TJE BAKALANGA facebook group. It is a CLOSED group. IKWELE TJE BAKALANGA has 4,767 members. So people rank it like a Medium group. You can find this group by searching 578205892244079 on Google, Bing or Yahoo. Last update is on 2015-02-11 02:08:06.
Nkumbulo we thama ghubungano le IKWELE TJE BAKALANGA waka tangisa mu ngibelo we mwedzi wa Nja una mazhuba ali makumi mabili ne mazhuba manna ( August 24) tili ghele ku National Museum ti bulula mpini we bgwe ne balumetate ne bakadzi be Bukalanga. Mongho we ndebo wakabe waka temelela mu zwidhiyo zwe ku shakisisa zwa mme Thothe be ikwele tje Rhodes University. Baghali be bhuna ilelo ya kabe ili mme bedu Ma Thothe be Makuta, tate Zongwani be Nshakazhogwe, mme Ndiye Mokgosi be Tjizwina, tate Simisani Kelaotswe name tili be Tjizwina.
Zwidhiyo zwa mme Thothe be Makuta zwaka lingisana nge shonghozhela kuti be litabi gwe pampiri dze khani, wayilesi (rediyo), zwipelete zwino shingisiwa mu zwikwele, gwariba le mizano ne khani ( thelebishini) bano lumbidza tshambilidziwa kwe lulimi gwe Ikalanga kungapani. Ta ka sala taka kaabala tose ta buzwiwa kuti apa taka lingha, kooti tola tjibaka tjinghapani kuti Ikalanga tji dhiyiwe mu zwikwele? Taka buzwiwa ndi mme Thothe kuti ngono se hurumente wedu I landula zhuba li pisa kuti Ikalanga a tjinga dhiyiwe mu Zwikwele, thambo ya tino tola tili Bakalanga ndi yipi?
Muku dhabila kwedu, takati to dwilila ti dhiya batjetjana Ikalanga, ti zwidhiya tjilenje kose nge lulimi gwedu kudzina Ikalanga tji dhiyiwa. Ndipo paka muka nkumbulu we IKWELE TJE BAKALANGA. Ta kabe taka bhulutana ku galo, kwaka sima, shungu ye shumbisiwa lulimi gwedu tili batjetjana yaka tumba nlume pa ghorokoro. Ta kabe ti ziba tose kuti shamu mbimbi yaka loba Bakalanga bose bakabe ba na hanya nge lulimi gwabo ntolo ku sathu zwika ghole la 1972, ipithu tjayo tjaka ti lobabo tose ti pano.