فرز الملابس رسالة .. الاسكندرية is a Arabic group. It is a CLOSED group. فرز الملابس رسالة .. الاسكندرية has 4,978 members. So it is a Medium group. 217672384923744 is the identifier of this group with Facebook. Last update is on 2015-02-25 16:27:58.
يعنى ايه رسالة ؟
---------------------------------------------
بسم الله الرحمن الرحيم
اولا ايه هى رساله؟
رساله ده اسم جمعيه خيريه
طب ليه اسمها رساله؟
لان ببساطه الفكره ان كل واحد له فى حياته رساله مخلوق عشانها
والرساله اللى ربنا خلقنا عشانها هى عماره الارض ونشر الخير والسلام فيها
طب ايه حكايه رساله دى من الاول ؟
لا دى حكايه كبيره اوى..بس بإختصار هى فكره شباب من كليه الهندسه
جامعه القاهره مع الدكتور شريف عبد العظيم وبدأت فى الاول كأسره فى الكليه
وبعد كده جمعيه خيريه مشهره ولها مقر فى القاهره الى ان اصبح لها 37 فرع
او اكتر فى الجمهوريه وطبعا احنا دلوقتى بنتكلم عن فرع الاسكندريه
فين مكان فرع الجمعيه فى الاسكندريه؟
44شارع توت عنخ امون_سموحه
بجوار كوبرى كليوباترا_امام مترو سموحه
شرح الفرز
=========
خطوات الفرز :
1 – نحكم أولا على صلاحيه قطعه الملابس من عدم صلاحيتها إذا كانت صالحه للبس بسبب ( قطع كبير – بقعه غير قابله للنظافه بالغسيل – موضه قديمه يعنى بدله بصفين زراير مثلآ أو تايير حريمى يصلح لسيدات الأعمال فقط وذلك لأن الشخص البسيط لا يمكن له إرتدائها حتى لا تكون السبب فى سخريه الناس منه )
2 – أما إذا كانت قطعه الملابس صالحه نبدأ بعد ذلك فى الحكم على درجه جودتها وذلك لأننا نحتاج أحيانآ لملابس ذات درجه عاليه من الجوده عند التوزيع المجانى فى يوم الكساء فى العيدين أو يوم الأم أو يوم الطفل مثلآ لأن الهديه لابد أن تكون فى أفضل صوره ممكنه .
3 – نبدأ فى تصنيف الملابس حسب الجوده إلى جديد و مميز (حسب تقديرك ورأى مجموعتك فى القطعه).
4 – بعد ذلك نقسم الملابس إلى رجالى( بنطلونات قماش – بنطلونات جينز – قمصان وتيشرتات – رجالى بيت – رجالى شتوى) و حريمى (ملابس بيت - عبايات خروج - إيشاربات - جيبات وبنطلونات - حريمى بيت) و أطفالى .
5 – آخر خطوه نقوم بتعبئه كل صنف فى شوال بعدد معين ويتم تسجيله فى دفتر المخزن عن طريق مسئول الفرز .
* هدف الفرز :
الحصول على أقصى إستفاده ممكنه من التبرعات بتقسيمها بطريقه صحيحه لتوجيه كل نوع من الملابس فى طريق للخير نحقق به إستفاده المحتاج وإحترامه بتقديمها له فى صوره جيده وأيضآ نزيل عبء الأمانه التى وضعها على أكتافنا المتبرع بإسعاد المحتاج بهذا التبرع فى أبهى صوره ممكنه .