English is the main language of Dunia Se Jayein Kartay Hoay Ya Hussain A.S facebook group. It is a CLOSED group. Dunia Se Jayein Kartay Hoay Ya Hussain A.S has 13,027 members. So it is a Huge group. 198956273481869 is the identifier of this group with Facebook. 2015-01-15 09:11:03 is the closest date we have information about it.
Hum aaj ek baar phir ek umeed le ker apni Qom ki samne Haazir hain , Shian e Haider e Karrar ne Besh baha Qurbaniya de ker sabar ka daman nahi chora , or na hi is ghayoor or Bhadur qom ne apne hadaf se ek inch bhi peechay hatne ka socha , Zalimo ne Gale Kate , Goliyaan mar ker shaheed kia , Khud Kash Hamle bum dhamake kiye or Yahan tak ke Hazara Town or Abbas Town Jaisay Bomb Dhamako se ghar or Karobar Tabah kiye Lekin Shia Qom ne Her Imtihaan mei Puri utri .
Aaj Puri Shia Qom ka ek hi sawal hai k jub Lakho or caroro Shia awaam ek Pahaar ki terha Yak Ja ho sakte hain to kia Qom ki zimedaaran or Rehbar kia apni anna , shakhsi or Infradi Buzrgi ko ek taraf rakh ker kia is Millat k mafaad or Millat ki taqaat ko tootne or bikharne se bachane k liye kia ek hi forum per mil ker bethne ko tyar nahi ho sakte.
Shia Qom tamam Shia Groups or Shia Jaamato Jis mein Majlis e Wahdat e Muslimeen (MWM) , Shia Ulema Council ( SUC) , Shia Action Committee ( SAC) , Jafria Alliance Pakistan (JAP) , Imamia Students Organisation (ISO) , Tehreek e Jafria Pakistan ( TJP ) , or digar tamam zaili tanzeemo k rehnumao K faislo or un ki tamam kawisho se Ba khoobi ashna hai , lekin is Mushkil waqt mein or Qol e Masomeen ki roshni mein “ K dushman Batil per ho ker bhi yekja hai , or tum Haq per ho ker bhi bikhrae hoay ho” is qol mein Imam ne hamari Mushkilaat or Pereshanio k wajah batae hai .
To Aaj Qom to Yakja hai or Deewar e Cheen ki tarah Gilgit Baltistan se le kar Quetta tak or Parachanar se le kar Karachi tak , ek aisi qayadat k Intezar mein hai jo is Nazuk waqt mein qom ko mushkil mein dalne or Intishaar ka shikaar hone se bacha le or Haazir Imam ki amaad k liye tyari kare , Ya phir apne zaati anna or Mafadaat per is puri qom ko qurbaan ker dain or Hazir Imam ki Narazgi Mol lein or un k amad mein takheer ka baais bane .
Is Kaam mein ab Qom k her fard ki zimmedari hai k woh her zimmedar or rehbar per tanqeed or unki tazleel kerne se Parhaiz or guraiz karein , q k yeh iqdaam tifarqa or inteshaar k bais bane ga or Jo Ittehaad qom ne hazaroon shahdatoon ki soorat mein qeemat ada ker k hasil kia hai , woh nahi bikharna chahiye , lekin haan her zimmedar or rehabaro se yeh sawal zaroor karein k , woh Shia qom k zimmedaar or rehbar , Jo qom ko Ittehad or ittefaq ka daras dete hain , woh khud kum uz kum Shia Qom k buniyaadi Masail per Ittehaad or Ittefaq ka amali Muzahira ker ke qom ko Surkhro hone ka moqa dein, or bahim Dust O Garaiban na Hoon .
Labaik Ya Mehidi Ajtf
Labaik Ya Hussain s.a
Labaik Ya Zainab s.a
Ya Ali Maddad
Allah hu Akbar