Indonesian is the main language of SANG TORAYAN DI TANA PAPUA facebook group. Having alot of group type in Facebook: close, open and secret and it is a CLOSED group. They attracted 6,482 members. So it is a Large group. You can find this group by searching 232804050122355 on Google, Bing or Yahoo. We last updated on 2015-02-13 10:47:06.
Lako Anggenna Tosiulang Rara Lan Sang Torayan, Makalima'na Tosikadende Diti Bulawan Di Tana Papua. Kukua Tabe Lako Kita Lindo Mairi, Laku Dende'pa Sang Buku Kada, Laku Gente'pa Sang Patikanna Bisara..
Inde Tongkonan "SANG TORAYAN DI TANA PAPUA" Tongkonan Tau Kamban, Salle Ariri Sissarean Matoto'na Toma'rapu. Tubendan Paloloan Mo Pole Lan Facebook, Te'dang Pembulawaranmo Lan Google, Tulangden Pendolokanmo Lan Internet, Tu Malute Di Sa'bu Dunia Maya.
Napatete Tampo Malolo Temai Kalo Tang Sala-Sala, Napana'ta Temai Gayang-Gayangna Toraya. Ia Tomaluang Ba'teng, Ma'tannun Tangkelok-Kelok. Anna Kombong Saruran Tangka'tu Titannun Talolloan Tang Sore-Sore..
Tangtatiro Rika Ia, Tangta'pa Rika Matanta, Torro Balo'mo Ia Te Tongkonan, Torro Mairimo Te Kasirampunan. Naporampoan Lembang To Ullamban Tasik Kalua, Napotu'tun Koli-Koli To Umpolalan Minangnga Pidun-Pidunan. Latanai Sipemanta Perupa, Siben Petawa Mammi'. Latanai Lasisompo Lulangngan Unnula Tua Sanda, Paraya Tang Sala-Sala..
Mukkun Latumengka Lulako, Nenne Lamalepong Bingka', Latatulak Lulangngan Anna Bendan Matoto Te Tongkonan SANG TORAYAN DI TANA PAPUA. Anna Tulangden Palelean Mata, Lako Matallo Matampu, Tapoupai Solanasang, Taporongkoi Lindo Mairi..
Denno Upa, Anna Kasirampunanta Lan Te Tongkonan, Kendek Busarungngu Langngan PUANG MATUA. Ia Mo PUANG Unnisung Dao Ma'lolok Didinna, Ma'lisu Sarongna, Ma'tampak Pelole'na. Anna Buraiki Wai Sangpindan, Naporakki Sakke Sanggori-Gori Anta Marendeng Massola Nasang, Marudindin Massae Lako Ullolangngi Telino..